Varios puntos de Ourense estarán este domingo en alerta amarela por altas temperaturas
Por Europa Press / Redacción | SANTIAGO DE COMPOSTELA | 10/08/2024 | Actualizada ás 15:39
O sur de Ourense, Valdeorras e a conca do Miño ao seu paso por Ourense estarán este domingo en alerta amarela por altas temperaturas que poderán superar os 36ºC. Segundo Meteogalicia, aínda que haberá un descenso acusado das temperaturas máximas, a alerta amarela estará activa nesas zonas da provincia de Ourense desde as 15.00 horas ás 21.00 horas deste domingo.
Durante esa xornada, a chegada de aire frío en capas altas propiciará un aumento da inestabilidade atmosférica. Con esa situación espéranse bancos de néboa matinais nas zonas do interior. As temperaturas mínimas non terán cambios, mentres que as máximas sufrirán un moderado descenso en xeral, salvo na Mariña, onde ascenderán.
