Detido por realizar tocamentos a dúas menores durante un concerto nas Festas da Peregrina

A Policía Local de Pontevedra detivo este domingo a un home de 27 anos acusado dun delito de agresión sexual sobre dúas menores, ocorrido, supostamente, durante un concerto das Festas dá Peregrina.

Os feitos, segundo fontes municipais, producíronse durante un concerto na Praza de España, cando, segundo consta na denuncia, un home realizou repetidamente tocamentos a dúas mozas que se atopaban entre o público. As vítimas son menores de idade.

A actitude do detido levou a outras persoas presentes no público a iniciar un enfrontamento con el, o que obrigou a intervir aos vixiantes de seguridade, primeiro, e á Policía despois.

Palco das festas da Peregrina en Pontevedra | Fonte: Rosa Lameiro - Arquivo