A “pinza” de Ciudadanos e Podemos chega a Galicia
Besteiro critica que dos "partidos emerxentes" caian nas trampas do PP para criticar a Pedro Sánchez.
Por Galicia Confidencial | Pontevedra | 10/12/2015 | Actualizada ás 10:20
"Hai partidos emerxentes que están a funcionar como partidos emerxentes de Mariano Rajoy porque o único que poden impedir é que o cambio se produza". Foi a dura denuncia que este mércores fixo o secretario xeral do PSdeG, José Ramón Besteiro, contra Podemos e Ciudadanos.
Así, nun acto en Pontevedra criticou que se adiquen a atacar ao candidato do PSOE ao Goberno, porque "hoxe ninguén ve a Pablo Iglesias ou Albert Rivera como presidentes do Goberno" e que o cambio "posible só o personifica Sánchez”-
Por iso, denunciou a "pinza" destes chamados "partidos emerxentes" contra o candidato socialista. Segundo Besteiro, este acordo para prexudicar a Sánchez débese a que "está a abrir oco" e por iso "todas as dianas diríxense contra el".
