Galiza Nova inicia unha campaña contra os problemas da turistificación masiva

A organización xuvenil do BNG, Galiza Nova, presentou a campaña 'A nosa precariedade, ou seu lucro', coa que busca profundar na problemática que supón o encarecemento do aluguer, a precarización laboral e a temporalidade asociadas á "turistificación masiva" na tempada de verán.

"Con esta campaña pretendemos denunciar a situación de precariedade dos mozos de Galicia, especialmente nos meses de verán, asociada á turistificación masiva e á dependencia do país", sinalou Daniel Sussman, un dos responsables nacionais de Emprego, Vivenda e Servizos Públicos da organización.

Pola súa banda, a responsable comarcal da asociación no Salnéz, Esmeralda Crespo, especificou que a comarca "necesita construír" un futuro no que o turismo "respecte as raíces galegas", no que o traballo "sexa digno e non explotador", no que os mozos atopen as oportunidades que merecen e no que a vivenda sexa "un dereito, non un privilexio".

A campaña discorrerá durante as próximas semanas con actos onde a organización xuvenil falará sobre esta necesidade e terá unha parte en enfocada nas redes sociais, onde explicarán estas cuestións.

Galiza Nova contra a visita do rei emérito Juan Carlos I en Sanxenxo