Por E.P. | Tui | 26/08/2024 | Actualizada ás 18:25
O alcalde de Tui, o socialista Enrique Cabaleiro, asinará este martes, ao amparo da lei de Memoria Democrática, a solicitude de declaración de catro enclaves do municipio como 'lugares de memoria democrática': o antigo cárcere da Praza da Inmaculada, o parque da Alameda, o cuartel da Armada e o dos Carabineros.
Esta solicitude diríxese á Dirección Xeral de Atención ás Vítimas e Promoción da Memoria Histórica do Ministerio de Política Territorial e Memoria Democrática, e ten por finalidade preservar a memoria das vítimas da Guerra Civil e da posterior represión da ditadura franquista, ademais de servir de recoñecemento e forma de erradicar calquera violencia política ou totalitarismo.
Coa declaración destes catro lugares búscase tamén crear un itinerario da memoria democrática en Tui, un concello que sufriu unha gran represión ao ser o último reduto de resistencia tras o golpe militar do 18 de xullo de 1936. De feito, esta localidade e a comarca do Baixo Miño non 'caeron' baixo o control dos sublevados ata o 26 de xullo de 1936, tras a caída de militares e milicianos na Volta da Moura (Salceda).
A firma da solicitude por parte do alcalde farase este martes, cando se cumpren 88 anos das execucións levadas a cabo en Tui, nas que foron fusilados varios dirixentes sociais e políticos, como Enrique Jaso, José Alonso, Francisco Guinde, José Barreiro, José Francés Carpintero e Manuel López Losada.
Para Enrique Cabaleiro, esta solicitude pretende conservar presente na memoria colectiva as figuras de homes e mulleres vítimas da represión e a violencia desatada tras o golpe militar, durante a guerra civil e na dictura, como maneira de potenciar os valores democráticos.tenciar os valores democráticos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.