Arte de Man, unha cita coa artesanía en Allariz

O Mercado de Artesanía "Arte de Man" reunirá a destacadas persoas artesás e creadoras de Allariz e do resto de Galicia na Zona Santo Estevo. Dende as 11:00 ata as 20:00 horas, quen asista poderá gozar dunha xornada dedicada á creatividade e á arte manual.

O mercado contará coa asistencia de: A.N.D.R.E.A, Mor Talla, Paulinha Dárzoa, Zeltia Ao Aire, Upside Down, Magari Clay, Olería de Batán, Minha Naicinha, 3D Impresión, Xabier Varela, Luis Pachón, Artesanía Nómada, Estudo Aldea, Xogo de Fíos, Beatriz Fraga-Cestería, Enxógate, Rio Mao Estudio Creativo, Eugenio Soto-Vidreiro, Museo do Coiro e Berce do Lume. Cada participante ofrecerá produtos únicos e feitos a man, mostrando a rica tradición artesanal tanto da localidade como de diferentes recunchos de Galicia.

OBRADOIROS E ANIMACIÓN MUSICAL

Ademais da exposición e venda de produtos artesanais, o evento ofrecerá dous obradoiros gratuítos abertos a todas as persoas a partir de 6 anos, priorizando sempre ás persoas menores de idade.

Ás 12:00 horas, Rio Mao Estudio levará a cabo un obradoiro de creación de pulseiras, e ás 17:00 horas, Xaime González dirixirá un obradoiro de estampaxe de bolsas de tea. Estes obradoiros non requiren reserva previa, pero teñen capacidade limitada, polo que se recomenda chegar cedo para asegurar un lugar.

A xornada tamén contará con animación musical en vivo de 17:00 a 19:00 horas, a cargo de Pirata Sen Parche.