Falece unha persoa despois de caer co seu tractor por un terraplén en Vilarmaior
Os feitos tiveron lugar dez minutos despois das 19.00 horas.
Por Europa Press / Redacción | SANTIAGO DE COMPOSTELA | 06/09/2024 | Actualizada ás 10:38
Unha persoa faleceu tras caer co seu tractor por un terraplén en Vilarmaior, segundo informou o 112 Galicia en relación a uns feitos que tiveron lugar dez minutos despois das 19.00 horas.
Un particular foi o que chamou ao 112 Galicia para informar deste suceso, que ocorreu na parroquia de Grandal. Segundo explicou, o tractor e o seu condutor caeron por un desnivel duns dous metros, de maneira que o vehículo caeu sobre a vítima, golpeándolle a cabeza.
Tamén avisaba que conseguiran liberala pero que podía estar falecida, o que confirmou, finalmente, o persoal sanitario desprazado ao lugar. Polo suceso, ademais de Urxencias Sanitarias de Galicia-061, alertouse aos Bombeiros de Betanzos e á Garda Civil, precisan desde emerxencias.
