Acusado de agresión sexual a unha menor en Betanzos alega que foi consentida: "En ningún momento exercín forza"
A moza recalcou, na súa declaración, que lle dixo ao home "desde o inicio que non quería facer nada sexual".
Por Europa Press / Redacción | Santiago de Compostela | 26/09/2024 | Actualizada ás 13:24
Un mozo acusado de agresión sexual sobre menor de 18 anos, en febreiro de 2023 en Betanzos, alegou que a relación foi consentida. "Só ao final díxome que estaba incómoda e que quería parar", declarou.
Fíxoo no xuízo celebrado este xoves na sección segunda da Audiencia Provincial da Coruña en alusión á felación que, supostamente, o procesado obrigoulle a realizar á vítima. "En ningún momento exercín forza, só apoiei a miña man na súa cabeza e acompañaba os movementos", engadiu durante a vista.
Pola súa banda, a moza recalcou, na súa declaración, que lle dixo ao home "desde o inicio que non quería facer nada sexual" e que "despois dun primeiro bico xa pasou todo". "Houbo un momento que me agarrou dos ombreiros e do pelo", relatou a muller para apuntar que se apartou "unhas tres veces ou máis, negando coa cabeza".
Fiscalía, segundo o seu escrito, cualifica estes feitos como un delito de agresión sexual sobre menor de 18 anos e solicita para o procesado sete anos de prisión, así como o pago dunha indemnización de 5.000 euros.
