O retiro de Rueda e os seus conselleiros en Sober, entre protestas

Viticultores da Ribeira Sacra, convocados polo Sindicato Labrego (SLG), protestarán este domingo, 29 de setembro, ante o hotel elixido en Sober polo presidente da Xunta, Alfonso Rueda, e os seus conselleiros para levar a cabo un retiro de reunión de traballo.

Segundo informa o Sindicato Labrego, buscarán facer ouvir as súas reivindicacións, xa que denuncian que este encontro do Executivo galego "non contempla as axudas directas ás persoas produtoras da Ribeira Sacra".

De tal forma, a partir de mediodía concentraranse ante o Hotel Pazo de Sober para que se teñan en conta as súas necesidades en plena vendima e a súa visión de cara á futura "folla de ruta" para a Ribeira Sacra. "Fronte a esta inoperancia e rumbo errático da Consellería do Medio Rural e, por extensión, do Goberno galego", avisa o SLG, seguirán "loitando para que sigan existindo persoas viticultoras na Ribeira Sacra".

O presidente da Xunta, Alfonso Rueda, no retiro cos seus conselleiros en Sober (Lugo). DAVID CABEZON @ XUNTA | Fonte: Europa Press