Interceptan en Valga a un menor tras chocar cun vehículo que collera sen permiso dos seus pais
Circulaba a gran velocidade e invadindo o sentido contrario.
Por Europa Press / Redacción | VIGO | 30/09/2024 | Actualizada ás 13:07
A Garda Civil interceptou na madrugada do pasado domingo 22 de setembro a un menor conducindo un vehículo que collera sen o permiso dos seus pais.
Os feitos ocorreron na localidade pontevedresa de Valga, cando unha patrulla, que circulaba pola EP8506, observou un turismo circulando a gran velocidade e invadindo o sentido contrario.
Ao decatarse da presencial policial, o condutor perdeu o control do automóbil e chocou contra a patrulla, dándose á fuga novamente. Así, iniciouse un seguimento do coche, momento no cal o mozo volveu perder o control do coche e foi interceptado tras saírse da vía.
Desta maneira, os axentes comprobaron que se trataba dun menor de 17 anos, que foi entregado á súa nai, instruíndo dilixencias por dous delitos contra a seguridade viaria por conducir sen permiso e facelo de forma temeraria. Os feitos foron trasladados ao Xulgado de Instrución de Caldas de Reis e á Fiscalía de Menores.
A Benemérita engade nun comunicado que o menor collería as chaves do vehículo sen coñecemento dos seus pais.
