A Mesa anima ao foro económico da Toxa a corrixir o topónimo "deturpado na propia marca do evento"

A Mesa pola Normalización Lingüística animou ao foro económico que se celebra esta semana na Toxa a corrixir o topónimo "deturpado no seu nome", despois de que a mobilización social conseguise que o evento utilice a denominación en galego, "única forma lexítima e oficial, cando se refire a a localidade, pero non na súa propia marca".

Nun comunicado, A Mesa detallou que, "despois de anos" de mobilización social sobre a denominación da illa, conseguiron que a web do Foro A Toxa indique que terá lugar na Toxa, respectando a "única forma xenuína, lexítima e legal do topónimo, pero conservando o nome deturpado na propia marca".

Por iso, animaron á dirección do foro empresarial a completar a rectificación cambiando o seu nome por Foro A Toxa. "Sen dúbida, esta acción permitiría evitar calquera confusión e mostraría respecto e consideración polo lugar de onde deriva esta denominación", detallou A Mesa.

Manifestación da Mesa pola Normalización Lingüística na Illa da Toxa, no Grove, para defender o topónimo oficial fronte ao Foro La Toja | Fonte: A Mesa - Arquivo