Cuntis recolle 94 litros por metro cadrado nun mércores de alerta amarela en Galicia por choiva
As temperaturas mínimas sufrirán un lixeiro descenso mentres que as máximas ascenderá. O vento soprará frouxo de compoñente norte
Por Europa Press / Redacción | SANTIAGO DE COMPOSTELA | 02/10/2024 | Actualizada ás 19:56
O municipio pontevedrés de Cuntis acumulou 94.1 litros por metro cadro de choiva, nunha xornada na que a comunidade galega estivo en alerta amarela.
Así, as fortes choivas provocaron a crecida do río Verdugo, ao seu paso por Ponte Caldelas, que desbordou preto da zona da praza de Abastos.
Tamén noutros puntos de Galicia, como en Folgoso do Courel as intensas choivas deixaron un total acumulado de 73.5 l/m2. Na provincia de Pontevedra, Poio rexistrou 72.9 l/m2 e Cotobade 71.9 l/m2.
Para a xornada do xoves aumentará a influencia anticiclónica en Galicia, polo que se espera unha xornada sen choivas, con ceos anubrados á primeira hora do día e pouco anubrados en xeral pola tarde.
As temperaturas mínimas sufrirán un lixeiro descenso mentres que as máximas ascenderá. O vento soprará frouxo de compoñente norte.
