Galicia prepárase para a entrada dun novo río atmosférico que deixará choivas intensas esta fin de semana

Galicia prepárase para a entrada dun novo río atmosférico, con moita humidade, e que deixará choivas intensas durante a madrugada do sábado ao domingo.

A predición de Meteogalicia apunta a que o venres pola noite comezará a choiva no litoral, con altas concentracións de humidade e con choivas persistentes no oeste de Galicia.

Desta forma, prevese a chegada dunha fronte que desviará ese río atmosférico cara ao sur, pero deixará choivas intensas na noite do sábado e a mañá do domingo.

Así, o sábado Galicia quedará influencia polas baixas presións e unha fronte activa atravesará a comunidade pola noite. Ademais, durante esa xornada, a Costa da Morte activará o aviso amarelo por temporal costeiro. O domingo unha fronte con humidade tropical cruzará Galicia e deixará choivas localmente fortes.

O mércores día 9, chegará unha nova fronte que viría producido polo furacán 'Kirk' xa que podería situarse preto da Península e afectar a Galicia en forma de borrasca.

Protección Civil e Emerxencias alerta da chegada da borrasca Aitor, que afectará o noroeste da península. AEMET | Fonte: Europa Press