Operación 'Ceira': ascenden a case 20 os detidos no operativo contra o narcotráfico na Coruña, O Salnés e Portugal
O operativo conxunto entre Policía Nacional, Garda Civil e Servizo de Vixilancia Aduaneira contra o narcotráfico, que se desenvolveu este mércores na Coruña, O Salnés e Portugal, saldouse polo momento con case 20 detidos.
Por Europa Press / Redacción | SANTIAGO DE COMPOSTELA | 03/10/2024 | Actualizada ás 15:01
O operativo conxunto entre Policía Nacional, Garda Civil e Servizo de Vixilancia Aduaneira contra o narcotráfico, que se desenvolveu este mércores na Coruña, O Salnés e Portugal, saldouse polo momento con case 20 detidos. Segundo informou o subdelegado do Goberno en Pontevedra, Abel Losada, a operación 'Ceira' séguese desenvolvendo e o Xulgado de Instrución número 4 declarou o segredo de sumario.
Os rexistros leváronse a cabo principalmente en zonas do Salnés, como A Illa de Arousa, Noalla e Vilanova de Arousa, aínda que tamén na Coruña e en Portugal. Durante o operativo os axentes comisaron máis de 20 quilos de heroína, segundo fontes consultadas por Europa Press, unha plantación de marihuana, diñeiro en efectivo e vehículos de alta gama. A organización, detallou Losada, dedícase ao narcotráfico e ten unha ramificación destinada á construción de 'narcolanchas'.
