Médicos e médicas dos PAC reclaman poder homologarse como especialistas de Urxencias e Emerxencias
Por E.P. | VIGO | 08/10/2024 | Actualizada ás 13:08
O colectivo de médicos e médicas dos Puntos de Atención Continuados (PAC) están a solicitar de maneira graduada ao longo da semana nos distintos rexistros do Sergas informes os servizos prestados, para poder reclamar ante o Ministerio de Sanidade a homologación ao novo título de Medicina de Urxencias e Emerxencias.
Segundo denunciou CIG-Saúde, este colectivo, a pesar de realizar funcións compartidas con outros dispositivos de Urxencias (das urxencias extrahospitalarias), "son excluídos neste Real Decreto, limitando nun futuro a posibilidade de mobilización a outros dispositivos que van requirir a nova titulación".
O sindicato lembrou que a PAC forman parte do Plan de Urxencias Extrahospitalarias de Galicia e realizan atención urxente de primeiro nivel. De feito, o seu persoal medicaliza en torno ao 80 % das atencións urxentes do 061.
Así mesmo, apuntou que a exclusión supón que os médicos non poden descargar os servizos prestados mediante o programa habilitado para este fin no Sergas e "ven obrigados a solicitalos por rexistro". Nese sentido, denunciaron, a Disposición Transitoria do Real Decreto 610/2024 "é discriminatoria, xa que permite que o persoal co título de Medicina Familiar e Comunitario que teña servivios prestados nas urxencias hospitalarias e nos centros de emerxencia (no 061) poidan solicitar a homologación do novo título, deixando fóra ao persoal médico da PAC, que ten servizos prestados en urxencias extrahospitalarias. Ante iso, CIG-Saúde presentou recurso ante o Tribunal Supremo contra esa Disposición Transitoria.
