UUAA pide axudas directas ante a perda do 60% da forraxe logo do temporal Kirk
Unións Agrarias xa fixo unha estimación dunhas perdas duns 65 millóns de euros para o agro galego, coa provincia da Coruña como a máis prexudicada, en zonas como Ordes e Xallas
Por E.P. | Santiago | 17/10/2024 | Actualizada ás 14:28
Unións Agrarias reclama axudas directas ante a perda do 60% da forraxe sufrida polas explotacións galegas para alimentar ás reses debido ao impacto do temporal Kirk.
En rolda de prensa, o responsable de Coordinación Sectorial de UU.AA., Félix Porto, e o encargado de sector lácteo na organización agraria, Óscar Pose, mostraron a súa "preocupación" polo sector lácteo galego, que segue á cola en prezos de España e agora súmase a perda do 60% da colleita de millo, o principal sustento para alimentar ás vacas.
Tras o paso de Kirk a pasada semana, Unións Agrarias xa fixo unha estimación dunhas perdas duns 65 millóns de euros para o agro galego, coa provincia da Coruña como a máis prexudicada, en zonas como Ordes e Xallas. Agora, os gandeiros están en proceso de ver que cantidade de forraxe pódese recuperar, aínda que unha parte está contaminado con terra, o que supón unha "pésima noticia" para a súa conservación.
Por iso, Porto advirte de que é "necesario" que se articulen medidas para "paliar esta situación", de forma que se facilite á produtores forraxe a "prezos aceptables" e con axudas directas. Pola contra, esta problemática "vaise levar por diante a moitas" granxas, as cales "non volverán abrir".
BAIXADA DO 30% DE PREZO DO LEITE
Así, Félix Porto alertou sobre a situación que vive o lácteo galego de caída de prezos nos últimos 14 meses. "Non hai ningunha razón" que o xustifique, quéixase, xa que o que se paga en Europa vai á alza, con prezos de manteiga en máximos, polo que Galicia e España van en "liña inversa".
O prezo medio que se abona aos produtores galegos é de 44,8 céntimos por litro, segundo os últimos datos de agosto, polo que a organización agraria demanda que se atalle o diferencial de catro céntimos coa media española --dato resultante de quitar a Galicia, principal produtora, desa media para que non estea distorsionada a diferenza co resto de comunidades--.
Todo iso arroxa unha baixada do 30% no prezo que se paga polo leite aos gandeiros galegos, sumado a un incremento "considerable" nos custos de produción, que agora se elevan coa perda do 60% do millo. E isto ocorre a pesar de que o leite galego é a de "maior calidade", que outorga maiores ingresos ás industrias por maior graxa para manteiga.
De tal forma, Porto fai un chamamento á Xunta para que free este diferencial co resto de autonomías. Para tal fin, require que active "dunha vez por todas" o observatorio de custos de produción e a chamada Aica galega para un labor de inspección e sanción. Igualmente, UU.AA. empraza á Xunta a axilizar os anticipos da Política Agraria Común (PAC) e unha flexibilización nos seus requisitos.
Nesta liña, Óscar Pose chama a renegociar o "100%" dos contratos lácteos coas industrias para que inclúan unha subida de prezos polos custos de produción, ademais de pedir ás industrias que non se vallan dun punto crioscópico "falso" para penalizar a produtores.
Estima que os custos de implantación das 75.000 hectáreas de millo forrajero que existen en Galicia son duns 130 millóns de euros por cuestións como abonos ou fitosanitarios, entre outros.
"NON SE VAI A DEIXAR MORRER A NINGÚN ANIMAL"
Ademais, Pose deixa claro que ningún gandeiro "vai deixar morrer a ningún animal" por falta de forraxe, aínda que expón que, en función de como avance a problemática, pódese decidir sacrificar en matadoiro ás de maior idade por escaseza de alimento para mantelas.
Porto incide en que as vacas "non van morrer de fame en ningún caso", tan só pode optarse polo sacrificio chegado o caso para "minimizar os danos".
