Terremoto no concello ourensán de Verea de 2,2 graos en superficie
Pasadas as 13,00 horas deste xoves, rexistrábase outro tremor no norte de Galicia, concretamente na localidade lucense de Xove. Nesta ocasión, foi dunha magnitude de 2,1 graos.
Por Europa Press / Redacción | SANTIAGO DE COMPOSTELA | 17/10/2024 | Actualizada ás 16:33
O concello ourensán de Verea rexistrou esta pasada madrugada un terremoto de 2,2 graos de magnitude, en superficie, na zona do parque eólico de Vieiro.
Segundo os datos do Instituto Xeográfico Nacional, o tremor produciuse ás 03,32 horas desta madrugada.
Este non é, no entanto, o primeiro terremoto que rexistra Verea no último mes. En concreto, hai unha semana, o mesmo concello ourensán rexistrou actividade sísmica cun tremor que tivo lugar de madrugada, ás 2,59 horas, cunha magnitude de 2,5.
A maiores, pasadas as 13,00 horas deste xoves, rexistrábase outro tremor no norte de Galicia, concretamente na localidade lucense de Xove. Nesta ocasión, foi dunha magnitude de 2,1 graos.
