Meter droga no cárcere custaralle outros 3 anos de prisión a un interno de Teixeiro

A Sala do Civil e Penal do Tribunal Superior de Xustiza de Galicia (TSXG) confirmou a sentenza da Audiencia Provincial da Coruña na que impuxo tres anos de cárcere e o pago dunha multa de 929 euros a un interno do centro penal de Teixeiro que trataba de introducir droga no plenal. En concreto, o alto tribunal galego rexeita o recurso interposto pola defensa, que alegaba erro na valoración da proba e vulneración da presunción de inocencia. O procesado argumentaba que a droga que portaba con el era para consumo propio.

Con todo, o TSXG considera que "se desvirtuou a presunción de inocencia" e que "non hai dato algún que revele o erro na valoración da proba", entre outras cuestións, porque a defensa non acreditou a condición de consumidor do procesado. Por iso, confirma o fallo. Os feitos remóntanse ao 21 de febreiro de 2020, cando o procesado regresaba ao cárcere de Teixeiro tras un permiso penal. Cando se atopaba no aparcadoiro, os axentes achegáronse a el, xa que sabían que podía portar droga para introducila e vendela dentro do cárcere. Ao velos, o home lazou á cuneta unha bolsa en cuxo interior se localizaron case nove gramos de heroína, cun valor no mercado próximo aos 1.000 euros.

Actividades no centro penitenciario de Teixeiro | Fonte: Arquivo