A capacidade dos encoros galegos está case ao 70%, con 2.547 hectómetros cúbicos de auga
De acordo cos datos publicados polo Ministerio para a Transición Ecolóxica, as presas galegas apenas gañaron, en total, 9 hectómetros cúbicos na última semana.
Por Europa Press / Redacción | SANTIAGO DE COMPOSTELA | 22/10/2024 | Actualizada ás 19:46
Os encoros das confederacións hidrográficas Miño-Sil e Galicia Costa mantéñense en torno ao 68,6% da súa capacidade, ao ascender minimamente ata os 2.547 hectómetros cúbicos de auga.
De acordo cos datos publicados polo Ministerio para a Transición Ecolóxica, as presas galegas apenas gañaron, en total, 9 hectómetros cúbicos na última semana.
No que respecta á demarcación Miño-Sil, os seus reservas están ao 67,4% con 2.043 hectómetros cúbicos, un descenso de 16 con respecto a fai sete días. No entanto, están por encima do dato de hai un ano e da última década.
Iso si, as presas da confederación Galicia Costa gañaron 25 hectómetros cúbicos coa choiva da última semana e están no 73,7%, con 504 hectómetros cúbicos. Tamén este valor está notablemente por encima dos últimos 10 anos.
