Ferido un ciclista e un motorista en senllos accidentes na Coruña e Nigrán

Dúas persoas resultaron feridas nas últimas horas en senllos accidentes de circulación ocorridos na Coruña e Nigrán. Trátase dun ciclista e un motorista. O primeiro dos accidentes tivo lugar sobre as 23,00 horas do xoves na Rúa Pablo Picasso da Coruña, á altura do aparcabicis. Alguén chamou ao 112 Galicia para pedir asistencia médica debido a un ciclista tirado no chan inconsciente tras sufrir unha caída.

Desde o 112 solicitouse a intervención dos profesionais de Urxencias Sanitarias de Galicia-061 e dos axentes da Policía Local. Máis tarde, ás 2,15 horas da madrugada, outro accidente, esta vez na Avenida da Praia América en Nigrán, deixaba un motorista inconsciente. A alerta chegou a través do equipo de Urxencias Sanitarias de Galicia-061. A Policía Local xa tiña constancia e tiñan unha patrulla en camiño. Tamén foron informados os membros do GES do Val Miñor.

Ciclista atropelado na Peroxa. GARDA CIVL