A Xunta limpará 550 KM de ríos para aumentar a súa resistencia ante inundacións

A Xunta prevé actuar o ano que vén nuns 550 quilómetros de ríos galegos para executar labores de conservación e limpeza, que incrementen a súa resistencia ante os efectos causados por posibles inundacións, e reforcen a calidade ambiental das augas e a súa contorna.

Así o confirmou este martes a conselleira de Medio Ambiente e Cambio Climático, Ángeles Vázquez, que dixo que o orzamento autonómico reservado para 2025 para o plan de conservación dos ríos de Galicia-Costa é de 2,7 millóns de euros, e os traballos máis habituais consisten na retirada de árbores caídas nas canles fluviais, limpeza de marxes, control de especies exóticas invasoras, ou eliminación de obstáculos que impiden o libre discorrer das augas.

Trátase, explicou a conselleira, de manter as condicións naturais das canles, mitigar os riscos de inundación, recuperar o bo estado dos ríos ou recuperar a súa funcionalidade geomorfológica.

A conselleira de Medio Ambiente e Cambio Climático, ÁngelesVázquez, na visita a Oroso para supervisar as obras na canle do río Carboeiro | Fonte: Europa Press