Trasladados ao hospital cinco membros dunha familia por intoxicación de gas na súa vivenda de Teo
Por Europa Press / Redacción | SANTIAGO DE COMPOSTELA | 05/12/2024 | Actualizada ás 09:57
Cinco membros dunha familia, tres deles menores, necesitaron ser trasladados ao hospital de Santiago por intoxicación de gas na súa vivenda na Travesía de Cacheiras, no municipio coruñés de Teo.
Segundo informa o 112 Galicia, os afectados apuntan a unha mala combustión da caldeira como a causante da intoxicación por gas, xa que días atrás sufrira unha avaría. Todos presentaban síntomas comúns como os mareos, aínda que en ningún momento perderon a consciencia.
Os feitos ocorreron pasada a medianoite, cando o 112 Galicia recibiu a chamada dunha muller que pedía asistencia debido a unha fuga de gas. Sinalou que toda a familia sentía mal e no mesmo momento da comunicación producíase o desmaio do marido. Así, avisouse ao 061, aos membros do GES de Brión e aos Bombeiros de Ordes.
Á chegada do equipo de emerxencias brionés, as xanelas da casa xa estaba abertas e a familia fóra. Con todo, reforzaron a ventilación con maquinaria e esperaron a que as medicións resultasen negativas. Pola súa banda, a dotación do 061 ocupouse do traslado e primeiros coidados dos afectados e a intervención dos bombeiros anulouse porque os medios e recursos aplicados polo GES de Brión eran xa efectivos.
O 061 indica que se enviaron ao lugar dúas ambulancia. Os atendidos foron un home de 38 anos, JLR, e unha muller de 24 anos, MDG, ademais de tres menores.
