Detido o dono dun local de lecer nocturno do Barco cachado con drogas e munición

A Garda Civil detivo ao dono dun local de lecer nocturno no municipio ourensán do Barco de Valdeorras ao que incautaron 75 gramos de cocaína, 27 gramos de marihuana, un bolígrafo pistola e varios cartuchos de calibre 21, ademais de 1.300 euros en efectivo. A detención produciuse este domingo no marco dos dispositivos que realiza a comandancia da Garda Civil de Ourense en zonas de lecer da provincia de cara á prevención de comisión de ilícitos penais.

Así, axentes do cuartel da Rúa, en colaboración coa Unidade de Seguridade Cidadá (Usecic), coa patrulla de servizo fiscal e fronteiras e do servizo cinolóxico, realizaron varias inspeccións na zona de lecer do Barco que deron como resultado a detención dun veciño da localidade de 54 anos de idade e nacionalidade española como presunto autor dun delito contra o tráfico de drogas e outro de tenencia ilícita de armas e munición.

Diñeiro e material requisado no rexistro dun local de lecer nocturno no Barco de Valdeorras | Fonte: GARDA CIVIL