Programas e actividades ambientais da USC recibirán financiamento da Deputación da Coruña
Este acordo supón, entre outras cuestións, un apoio a programas de detección e captación de talento de estudiantado ou o impulso doutros no ámbito cultural
Por E.P. | SANTIAGO DE COMPOSTELA | 16/12/2024 | Actualizada ás 18:42
A Deputación da Coruña destinará 125.000 euros para cofinanciar a programación cultural, artística e científica da Universidade de Santiago de Compostela (USC).
O convenio foi subscrito este luns, na sede da institución provincial, polo presidente da Deputación, Valentín González Formoso, e o reitor da USC, Antonio López.
Este acordo supón, entre outras cuestións, un apoio a programas de detección e captación de talento de estudiantado ou o impulso doutros no ámbito cultural. Ademais, con estes fondos a USC financiará parte da restauración e catalogación do seu patrimonio histórico-artístico e o desenvolvemento do Museo Virtual.
Por outra banda, Formoso e o presidente da organización ecoloxista Adega, Roi Cuba, asinaron un convenio para consolidar o programa de voluntariado ambiental nos ríos que impulsa a organización ecoloxista. A Deputación financiará o 80% do custo das actividades.
