Catro detidos por 13 roubos con forza en propiedades de Pontevedra, Lugo e Ourense
Por Europa Press / Redacción | SANTIAGO DE COMPOSTELA | 23/12/2024 | Actualizada ás 10:37
A Unidade Orgánica de Policía Xudicial de Ourense, en colaboración coas Unidades Orgánicas de Policía Xudicial de Pontevedra e Lugo no marco da Operación "Jericó", detivo a catro persoas como presuntos autores de 13 delitos de roubo con forza nas nas provincias de Ourense, Pontevedra e Lugo.
Segundo detalla a Garda Civil, os detidos foron sorprendidos "in fraganti" en Tui o día 19 de decembro, cando se dispuñan a entrar a unha vivenda.
Durante a operación, a Garda Civil levou a cabo dous rexistros domiciliarios, onde incautaron varias xoias e efectos que os vinculan co feitos obxecto de investigación. Con todo, a operación está dirixida polo Xulgado de Instrución do Carballiño (Ourense).
