Ferida grave unha muller atropelada en Cambados, con posible fractura de ambas pernas e traumatismo cranioencefálico

Unha muller de 45 anos resultou ferida de gravidade ao ser atropelada por un coche no centro de Cambados. O suceso tivo lugar ás 08.10 horas deste venres na avenida de Galicia da localidade do Salnés, segundo informou o CIAE 112 Galicia. Tras recibir a alerta dun particular, a central de emerxencias alertou aos bombeiros, Policía Local e Urxencias Sanitarias 061. Finalmente, a ferida foi evacuada ao Hospital do Salnés en ambulancia cunha posible fractura de ambas as pernas e un traumatismo cranioencefálico.

Lugar do atropelo a unha muller de 45 anos ferida grave en Cambados | Fonte: EMERXENCIAS CAMBADOS