As sanitarias privadas piden máis cartos para manter o concerto sanitario dos funcionarios

A aseguradora Asisa segue estudando os pregos técnicos do concerto de Muface para prestar asistencia sanitaria privada aos seus funcionarios mutualistas, a pesar de que este mesmo xoves DKV informou da súa decisión de non acudir tampouco á licitación.

Segundo puido saber Europa Press en fontes da compañía, a renuncia tanto de Adeslas como de DKV era un dos supostos co que estaba a traballar a compañía. Asisa valora así quedar coa totalidade do negocio de Muface, que ascende a uns 4.500 millóns de euros para un prazo de tres anos.

Adeslas informou hai días da súa renuncia ao concerto porque as primas ofrecidas abocaríanlles a unhas perdas en tres anos duns 250 millóns de euros. Segundo DKV, as súas perdas ascenderían a entre 70 e 100 millóns de euros. O Goberno ofreceu un aumento da prima do 33,5% durante un período de tres anos para concerto que está agora mesmo en licitación. Para Adeslas isto é insuficiente e reclamaba unha alza do 47% en dous anos. DKV considerou que necesitaría unha subida do 40% nun só ano para non ter perdas.

Segundo as fontes consultados por Europa Press, Asisa tomará a súa decisión nos próximos días. O prazo para presentarse á licitación é o 15 de xaneiro.