Cobre San Rafael segue de roteiros polas feiras para convencer sobre o seu proxecto mineiro
Esta fin de semena estará na feira Oroso para recoller currículos para a posta en marcha da mina de Touro.
Por Europa Press / Redacción | SANTIAGO DE COMPOSTELA | 10/01/2025 | Actualizada ás 16:15
Cobre San Rafael informou de que este sábado, 11 de xaneiro, levará a súa unidade móbil informativa á feira de Oroso (Sigüeiro), onde se ofrecerá información sobre as oportunidades laborais vinculadas ao proxecto de reactivación da mina de Touro-O Pino, que actualmente se atopa en fase de exposición pública.
Segundo explicou a empresa, a unidade móbil estará aberta durante toda a mañá no recinto feiral para ofrecer información personalizada sobre os perfís profesionais que se buscan e os próximos procesos de selección. É un xeito que ten a empresa de tentar convencer socialmente sobre as bondades do seu proxecto mineiro.
Ademais, recolleranse currículos de todas aquelas persoas interesadas en formar parte dun proxecto que prevé crear máis de 400 empregos directos a longo prazo, "en condicións de xornada completa e cunha aposta clara polo desenvolvemento sustentable". Cobre San Rafael busca profesionais en áreas como operacións mineiras, seguridade, mantemento industrial, xestión ambiental e administración, entre outras.
