O Sabadell espera superar "amplamente" o seu beneficio de 2023
Así o aputnou o seu presidente, González-Bueno, tras unha reunión con empresarios galegos.
Por E.P. | VIGO | 10/01/2025 | Actualizada ás 17:15
Empresarios galegos reuníronse este venres en Vigo co conselleiro delegado do Banco Sabadell, César González-Bueno, quen asegurou que a entidade superará en 2024 "amplamente" os beneficios obtidos en 2023. En 2024 imos superar amplamente os beneficios de 2023. Seguimos cun nivel de solvencia moi forte, a nosa acción multiplicouse por 6,6 desde 2020, a nosa retribución ao accionista é inigualable, e a boa rendibilidade é sustentable mirando cara adiante.
Todo fai que Banco Sabadell estea hoxe mellor que nunca e aínda non alcanzou o seu punto máis alto", reivindicou no encontro, organizado polo grupo empresarial Vicus Gallaecia, composto por empresarios de distintos sectores de Vigo e de Galicia. O encontro non só contou coa presenza do conselleiro delegado do Banco Sabadell, senón que estivo acompañado do director xeral adxunto e director xeral de Sabadell Galego, Pablo Junceda, segundo recolle Vicus Gallaecia nun comunicado.
Ademais, ao xantar asistiron, entre moitos outros, integrantes de Vicus Gallaecia, como o seu presidente José Manuel Fernández Alvariño, así como representantes da patronal galega e as súas confederacións provinciais, como o presidente da CEG, Juan Manuel Viaites, ou o presidente da CEP, Jorge Cebreiros.
