Integrantes de Galiza Nova ocupan temporalmente a sede de Emigración para que os mozos "non emigren"

Unha ducia de integrantes da organización nacionalista do BNG, Galiza Nova, ocuparon temporalmente a sede do edificio da Secretaría Xeral de Emigración, na mañán deste mércores.

Baixo o berro "Queremos traballar e non emigrar", os mozos nacionalistas colgaron no balcón do edificio unha pancarta na que se pode ler o lema "15 anos = 200.000 mozas emigradas. = vivendas 0 empregos 0 solucións". Nun comunicado, a entidade asegura que quere que a Xunta de Galicia escoite as súas demandas para solucionar o problema de emancipación da mocidade galega.