Sorprendido mentres roubaba 240 metros de cable telefónico

A Garda Civil detivo a un veciño da localidade ourensá de Verín como presunto autor dun delito de furto tras ser sorprendido manipulando 240 metros de cable telefónico. Segundo informa a Benemérita, o home cortara todo ese cable entre Porto e Vilar de Barrio.

Así, todo o material foi recuperado, ademais de varias ferramentas utilizadas para a manipulación do mesmo. O detido foi posto a disposición do Xulgado de Instrución de Xinzo de Limia.

Detido un veciño de Verín tras ser sorprendido mentres roubaba 240 metros de cable telefónico na procura de cobre | Fonte: GARDA CIVIL