Cada persoa en Galicia gasta 230 euros de media nas rebaixas, un 33% menos que en 2024, segundo Cetelem
O produto con maior porcentaxe de compradores nestas rebaixas é a roupa, cun 81% das mencións
Por E.P. | SANTIAGO DE COMPOSTELA | 07/02/2025 | Actualizada ás 12:36
O gasto medio realizado polos galegos nas rebaixas de 2025 situouse en 230 euros, o que supón un descenso do 33% respecto ao ano anterior, que foi de 343 euros, segundo o Observatorio de Cetelem.
No estudo, realizado mediante mil chamadas en liña, compárase o gasto realizado en rebaixas con anos anterior e tamén respecto das intencións manifestadas en decembro.
Así, o 45% dos consumidores galegos enquisados realizaron o mesmo gasto que o ano anterior, oito puntos máis. Pola súa banda, o 26% afirma que aumentou o seu orzamento para as rebaixas deste ano, cinco puntos máis que en 2024; e un 30% asegura que o reduciu, cun descenso de 12 puntos menos respecto ao ano anterior.
De entre os consumidores que afirman reducir o seu gasto, un 72% asegura que é como consecuencia do impacto da inflación na súa economía, dous puntos máis que en 2024.
O gasto medio nas rebaixas de 2025 sitúase en 230 euros, o que supón un descenso do 33% respecto ao ano anterior, cando foi de 343 euros.
Entre os consumidores que compraron nestas rebaixas, un 41% declara facelo unicamente en tendas físicas, un 18% realizou as súas compras só en liña e un 41% tanto en liña como en tenda física.
O produto con maior porcentaxe de compradores nestas rebaixas é a roupa, cun 81% das mencións. Séguelle o calzado e complementos (41%); perfumes (24%); téxtil e calzado deportivo (18%); e libros (10%).
