Dous feridos nunha colisión na N-634, ao seu paso por Barreiros

Dúas persoas resultaron feridas este venres nunha colisión en Barreiros. Neste sentido, un dos condutores tivo que ser excarcerado polos bombeiros e ambos foron trasladados posteriormente ao Hospital de Burela. Segundo informou o 112 Galicia, foi un particular quen pasadas as 21.30 horas alertou de que dous coches acababan de chocar no quilómetro 565 da N-634, en Reinante, e que un dos condutores era incapaz de saír ao exterior.

Así, o Centro Integrado de Atención ás Emerxencias solicitou a acción de Urxencias Sanitarias de Galicia-061, dos Bombeiros e dos voluntarios de Protección Civil de Barreiros, así como da Garda Civil de Tráfico e dos servizos de mantemento da estrada. Con todo, tras chegar ao lugar dos feitos os equipos de emerxencias confirmaron que unha das persoas estaba atrapada, polo que os bombeiros procederon a excarcerala. Finalmente foi trasladada xunto co outro condutor ao Hospital da Costa, en Burela.

Entrada de Urxencias do Hospital da Costa | Fonte: AXM