Evacuado en helicóptero un motorista tras saírse da vía na PO-342, ao seu paso por Tui

Un home tivo que ser evacuado no helicóptero medicalizado con base en Santiago tras saírse da vía coa súa moto na PO-342, ao seu paso por Ribadelouro, en Tui. Segundo informou o 112 Galicia, o suceso produciuse minutos despois das 14.30 horas deste sábado e foi o persoal de Urxencias Sanitarias de Galicia-061 o que deu a voz de alarma, despois de que un particular atopase a moto e localizase ao ferido nunha zona de vexetación a varios metros da estrada. A central de emerxencias pediu colaboración dos Bombeiros do Porriño, da Garda Civil de Tráfico, da Policía Local e dos voluntarios de Protección Civil de Tui.

Helicóptero e ambulancia de Urxencias Sanitarias 061 Galicia | Fonte: Europa Press - Arquivo