Galicia resiste grazas á poboación estranxeira
A chegada de máis de 5.500 persoas estranxeiras no último trimestre axudou ai crecemento vexetativo.
Por Europa Press / Redacción | SANTIAGO DE COMPOSTELA | 13/02/2025 | Actualizada ás 09:55
A poboación de Galicia elevouse a 2.715.424 habitantes a 1 de xaneiro de 2025, 3.821 máis que a principios do último trimestre do ano pasado (+0,14%) debido á chegada de máis de 5.524 persoas estranxeiras (+3,3%).
Así se desprende dos datos publicados este xoves polo Instituto Nacional de Estatística, recollidos por Europa Press, que indican que os galegos con nacionalidade española baixaron un 0,06%, con 1.703 menos, ata 2.542.901.
Con todo, aumentaron en 5.524 a poboación estranxeira en Galicia, ata 172.523 persoas. A nivel estatal, España gañou 115.612 habitantes entre outubro e xaneiro, un 0,23% máis, ata superar a barreira dos 49 millóns (49.077.984).
Deles, 42.225.636 teñen nacionalidade española, con 14.819 máis que fai tres meses, mentres que 6.852.348 son estranxeiros, subindo en 100.793 persoas.
