O PP recibe máis dun millón de euros en subvencións para os partidos parlamentarios galegos
O criterio de repartición do importe da subvención, segundo regula a normativa, vai en proporción ao número de escanos e ao número de votos obtidos por cada formación nas últimas eleccións ao Parlamento de Galicia
Por E.P. | SANTIAGO DE COMPOSTELA | 20/02/2025 | Actualizada ás 12:25
O Diario Oficial de Galicia (DOG) publica este xoves a orde das subvencións anuais concedidas ás formacións políticas con representación no Parlamento autonómico para atender os gastos de funcionamento correspondentes a 2024.
En total, os partidos con asentos no hemiciclo do Pazo do Hórreo repártense 2 millóns de euros.
O criterio de repartición do importe da subvención, segundo regula a normativa, vai en proporción ao número de escanos e ao número de votos obtidos por cada formación nas últimas eleccións ao Parlamento de Galicia.
Así, o PPdeG, con 40 escanos na Cámara, leva máis da metade dos 2 millóns de euros totais. En concreto, recibe 1.039.041 euros.
D.O., CUN DEPUTADO, RECIBE 20.599 EUROS
Pola súa banda, o BNG, con 25 parlamentarios, recibe 647.004 euros; o PSdeG, con 9, un total de 293.354 euros; e Democracia Ourensá (D.O.), cun escano que ocupa Armando Ojea, recibe 20.599 euros.
A resolución, que asina a directora xeral de Relacións Institucionais e Parlamentarias, Sandra Vázquez, dá cumprimento á lei de financiamento dos partidos políticos, que fixa o dereito das formacións con representación na Cámara a acceder a subvencións anuais non condicionadas para anteder os seus gastos de funcionamento nos que incorran no territorio galego.
