Evacúan en helicóptero un motorista despois dunha colisión en Beade

Un motorista foi evacuado este martes en helicóptero tras verse implicado nunha colisión no municipio ourensán de Beade.

O ferido presenta unha lesión grave nunha perna, segundo explicou a persoa que chamou ao 112 Galicia para alertar.

Ocorreu pouco antes das 16.00 horas na OU-504, ao paso por Beade, e a consecuencia do choque entre un turismo e unha moto.

A peor parte levoulla o motorista debido a unha posible fractura nunha perna. De feito, foi un equipo de Urxencias Sanitarias de Galicia-061 quen lle prestou a atención necesaria e trasladouno ao centro sanitario de referencia a bordo do helicóptero medicalizado con base en Ourense.

Ademais, o equipo médico contou co apoio dos axentes da Garda Civil de Tráfico e dos membros do GES de Avión e Ribadavia.

Helicóptero do 061 | Fonte: Arquivo