O agresor que atacou cun machete nunha discoteca en Ourense será xulgado o 7 de marzo
A vítima, tras un incidente previo, logrou arrebatarlle o machete ao agresor despois de forcexeos.
Por Europa Press / Redacción | Santiago de Compostela | 01/03/2025 | Actualizada ás 14:30
A Audiencia Provincial de Ourense xulgará o vindeiro xoves a un home que se enfronta a 10 anos de prisión por atacar cun machete a un mozo nunha discoteca. Segundo o escrito de Fiscalía, os feitos sucederon na madrugada do 5 de marzo de 2023 cando o acusado portaba un machete de 45 centímetro con folla por unha banda e serra polo outro e dirixiuse á vítima con quen "tivo un incidente previo" ese mesmo día fronte a unha discoteca da cidade das Burgas.
Así con "ánimo de darlle morte e de asegurar o ataque sen ser visto pola victima" deulle un golpe na cabeza co machete, pero "non conseguiu o seu propósito" xa que a vítima puido reaccionar e saíu tras o acusado. No exterior a vítima tras forcejear co agresor conseguiu arrebatarlle o machete.
Os feitos son constitutivos dun delito de asasinato en grao de tentativa e o Ministerio Público pide para o agresor unha pena de 10 anos de cárcere e prohibición de achegarse a menos de 300 metros da vítima, así como a comunicar ou contactar con el por calquera medio durante 11 anos. Ademais, o acusado deberá indemnizar en 2.300 euros polos días de curación de lesións e en 2.100 euros polas secuelas.
