Aparatoso accidente en Santa Comba
Excarcerada unha persoa tras un accidente na entrada do concello.
Por Europa Press / Redacción | SANTIAGO DE COMPOSTELA | 16/03/2025 | Actualizada ás 10:44
Unha persoa tivo que ser excarcerada este sábado polos bombeiros tras saírse da vía co seu vehículo en Santa Comba (A Coruña). O accidente tivo lugar ao redor das 21,00 horas e foi un particular quen avisou ao 112 Galicia de que un coche se espetara contra unha glorieta na Avenida de Santiago, o que deixou ao condutor ferido e atrapado no interior do turismo.
O 112 Galicia indicou de que, con esta información, avisaron ao Servizo de Urxencias Sanitarias de Galicia-061, aos Bombeiros de Santa Comba e á Garda Civil de Tráfico. A dotación de bombeiros indicou que foi preciso quitar a porta do vehículo para rescatar ao condutor, que posteriormente foi atendido polo persoal das urxencias sanitarias.
ATRAPADO
Doutra banda, ao redor das 04,30 horas deste domingo, o 112 Galicia recibiu o aviso por mor dun accidente na rúa de San Xiao, en Almeiras, onde un coche quedou envorcado e co condutor no interior. Ata o lugar desprazáronse a Policía Local e os Bombeiros de Arteixo, que empregaron o material de excarceración para liberar á vítima, único ocupante do turismo. Logo foi atendido polo persoal sanitario que se mobilizou ata o punto.
