Arde unha motobomba de extinción da Xunta despois dun accidente en Arnoia

Unha motobomba do servizo de extinción da Xunta ardeu nun accidente ocorrido na tarde do pasado martes ao seu paso polo municipio de Arnoia.

Segundo informa a Consellería do Medio Rural a Europa Press, o condutor saíu polo seu propio pé e non se produciron danos persoais.

O vehículo envorcou e ardeu de forma repentina cando transitaban coa motobomba por unha pista forestal por motivos de vixilancia.

A motobomba, que pertencía ao distrito XI O Ribeiro-Arenteiro, quedou "totalmente inutilizada", explican as mesmas fontes.

Motobomba da Xunta. XUNTA | Fonte: Europa Press