Jácome asume "Avogacía Consistorial" tras os reveses xudiciais e move aos seus concelleiros

Os concelleiros de Democracia Ourensá, José Ignacio González, Antonio Fernández e Ana Fernández, asumirán desde este luns diferentes responsabilidades no goberno local da cidade, ao intercambiarse competencias.

Segundo informou do Concello da cidade das Burgas, o alcalde, Gonzalo Pérez Jácome, asinará este luns pola mañá a nova delegación de competencias. José Ignacio González, ata agora edil de Participación Cidadá, farase cargo de Seguridade Cidadá; e Antonio Fernández, que ostentaba a área de Seguridade Cidadá, pasará a facerse cargo de Participación Cidadá e Contratación, que compatibilizará con Administración Xeral e Loxística (departamentos que xa dirixía).

No caso de Ana Fernández, ata agora concelleiro de Contratación, asumirá a xestión da área de Mobilidade e Transporte Público. Mentres, o departamento de Avogacía Consistorial, que dirixía esta concelleira, será agora asumido polo propio rexedor, Gonzalo Pérez Jácome.

Jácome cun exemplar de 'La Región' en rolda de prensa | Fonte: E.P.