Rueda desexa firmar co ministro Torres, enfermo de cancro, o traspaso de xestión do litoral

O presidente da Xunta, Alfonso Rueda, lamentou a noticia de que o ministro de Política Territorial, Ángel Víctor Torres, padece cancro e, ademais de desexarlle "a máis pronta recuperación", afirmou que lle gustaría que fose o que asinase con el o traspaso a Galicia das competencias de xestión do litoral.

"Non se cando se vai a producir a súa retirada (o ministro dixo que a intervención cirúrxica sería en abril), pero se estamos no final de todo (do proceso de traspaso), creo que sería unha magnífica noticia, xa que con el levamos toda a negociación, que puidésemos pechar o acordo", aseverou.

"Convideino na última carta cando xa manifestaba a aceptación por parte de Galicia (ao borrador provisional do traspaso) e creo que sería un magnífico colofón que puidese estar aquí en Santiago asinando comigo a cesión total da competencia", dixo Rueda, quen confía en que a enfermidade do ministro "non inflúa nun procedemento que está practicamente pechado". O presidente galego insistiu en que desexaría que Torres acuda a Galicia, pero se non pode ser así, dixo que lle desexa, en todo caso, "a máis pronta recuperación".

Rueda comparece ante os medios en Ferrol | Fonte: DAVID CABEZÓN @ XUNTA