O BNG celebra a creación dos xulgados específicos contra a violencia machista en Santiago e Ourense

O BNG celebrou a creación e puxo en marcha de dous novos xulgados especializados na loita contra a violencia machista en Galicia, que estarán situados en Santiago e Ourense. Tal e como afirman nun comunicado, achacan a medida ao acordo de investidura conseguido polo BNG e destacan que supón "un avance crucial para mellorar a atención e protección das vítimas, así como para reforzar a eficacia da loita institucional contra a violencia de xénero".

"Este logro é o resultado da nosa capacidade de negociación e da firmeza coa que defendemos políticas en favor dos dereitos das mulleres e da igualdade real. A creación destes xulgados responde a unha necesidade histórica e a unha demanda reiterada dos colectivos feministas, profesionais da xustiza e vítimas da violencia machista", reivindicou Néstor Rego.

Con todo, o deputado do BNG matiza que aínda queda "traballo por facer". "No acordo tamén se recolle a creación de xulgados específicos en Lugo, Ferrol e Pontevedra, que seguimos reclamando con determinación. É imprescindible garantir que todas as mulleres en situación de violencia teñan acceso a unha xustiza especializada e próxima, sen diferenzas territoriais", insiste Rego.

Reclamación do BNG para contar cun xulgado de violencia de xénero en Lugo | Fonte: BNG