Máis de 200 trens con saída ou chegada a Ourense circularán esta semana Santa
En todo o Estado serán case 12.400 trens.
Por Europa Press / Redacción | Ourense | 11/04/2025 | Actualizada ás 19:01
O Ministerio de Transportes e Mobilidade Sustentable ten previsto que un total de 12.365 trens de alta velocidade, media e longa distancia circulen por toda a rede ferroviaria durante esta semana Santa, desde o venres 11 ata o luns 21, segundo datos de Adif. Entre as diferentes estacións que destaca Adif con maiores tráficos está a de Ourense, da que partirán ou chegarán un total de 233 trens.
Para este fin de semana, primeira fase da operación saída, está programada a circulación de 3.186 trens, sendo a xornada deste venres as de máis circulacións, cun total de 1.244. Por estacións, só as dúas de Madrid (Atocha e Chamartín) moverán un total de 4.440 trens durante toda a Semana Santa.
En concreto, Porta de Atocha Almudena Grandes, orixe e destino das liñas que unen a capital con Barcelona e Andalucía, ten programada a saída e chegada de 2.670 trens desde este venres ata o luns de Pascua. Pola súa banda, Chamartín Clara Campoamor ten programados 1.770 trens para toda a Semana Santa. Este primeiro fin de semana, un total de 458 trens parten e chegan a esta estación, orixe e destino das liñas a Levante, o norte e noroeste do país.
