Máis dun cento de traballadores irán á rúa na comarca do Deza
Nucamsa, Rivero e Frigodeza, do Grupo Campos, solicitan a declaración de concurso de acredores.
Por Europa Press / Redacción | VIGO | 11/04/2025 | Actualizada ás 18:37
As empresas Nucamsa, Rivero e Frigodeza, todas elas pertencentes ao Grupo Campos, solicitaron a declaración de concurso de acredores, segundo fontes do Tribunal Superior de Xustiza de Galicia (TSXG), consultadas por Europa Press.
En concreto, Nucamsa, coa súa sede situada na localidade pontevedresa de Dozón, dedícase á fabricación de penso e á cría de gando porcino. Pola súa banda, Rivero está situada no Carballiño (Ourense) e pertence á industria cárnica. Así mesmo, Frigodeza, con factoría en Lalín (Pontevedra), trátase dun matadoiro. Todas elas pertencen ao Grupo Campos, administrado por David Campos, que á súa vez é presidente da Asociación de Empresarios de Deza.
En total suman ao redor duns 100 empregados e na súa maioría atópanse xa en expedientes de regulación temporal de emprego (ERTE) ou en ERE extintivo.
