Localizan o corpo sen vida dunha muller en Narón

Unha muller foi localizada sen vida nun camiño de terra tras sufrir un posible accidente coa súa bicicleta no municipio coruñés de Narón. A Policía Nacional investiga os feitos. O 112 Galicia recibiu a alerta dun particular sobre as 19.30 horas do sábado e detallou que se atopaba no lugar de Ruxida. Ata o lugar desprazáronse os profesionais sanitarios, que soamente puideron confirmar o falecemento. No operativo tamén participou a Policía Local e Nacional.

Imaxe dunha axente e dun coche patrulla da Policía Nacional | Fonte: POLICÍA NACIONAL