Tres patrullas da Garda Civil manteñen a busca do veciño de Frades desaparecido en Fisterra

O dispositivo de busca do veciño de Frades desaparecido o pasado martes continúa activo este luns na zona de Fisterra, segundo confirmaron fontes da Garda Civil. En concreto, detallaron que a xornada deste luns estará centrada na busca por terra, ao igual que este pasado domingo.

Así, tres patrullas operarán durante toda a mañá e outras tres pola tarde para dar con este varón, que falta dende o martes. Cómpre recordar que a familia de Antonio Carro Lata, de 69 anos de idade, denunciou a súa desaparición na tarde do pasado martes, e o propio Concello de Frades fixo un chamamento aos veciños, a través das redes sociais, para pedir colaboración na busca.