O bólido que percorreu os ceos galegos non caeu no país
O Observatorio Astronómico Ramón María Aller da USC (OARMA) logra comprobar a traxectoria do meteorito sobre o que a semana pasada houbo unha alerta pola súa posible caída en Lugo.
- Á caza dun posible meteorito en Galicia
- A Guardia Civil non atopa "ningún rastro que faga indicar a presenza dun meteorito" en Taboada (Lugo)
Por Galicia Confidencial | Santiago | 31/10/2016 | Actualizada ás 21:17
Os investigadores do Observatorio Astronómico Ramón María Aller da USC (OARMA) José Ángel Docobo e Pedro Pablo Campos conseguiron establecer a traxectoria atmosférica do
Pese a que varias persoas tiveron a sensación de que o bólido caera moi cerca, o certo é que o obxecto se fixo visible sobre o norte de Portugal cunha altura aproximada duns 100 quilómetros, e desprazouse cara á costa central asturiana na que a uns 40 quilómetros de altura se deixou de ver aínda que a estela permaneceu no ceo durante uns minutos. Os investigadores pensan que é “moi posible” que non chegase a caer no chan.
Este mesmo ano tivo lugar o 17 de maio outro bólido diúrno no Sur de Galicia, que tamén deixou unha estela final unida a un forte ruído. O caso fora tamén estudado polo OARMA, que concluíu que é posible que neste caso si se producise a caída de meteoritos nunha área “que se está determinando”, aseguran.
