Temas: CATALUñA REFERENDUM EN MAREA PSDEG PPDEG BNG

Reaccións en Galicia á crise catalá: Diálogo e máis diálogo

En Marea, PSdeG e BNG destacan a oferta de diálogo de Puigdemont e alertan ao PP de que evite tomar medidas punitivas. O PPdeG evita pronunciarse ata saber “que é o que se aprobou”.

Por Xurxo Salgado | Compostela | 10/10/2017 | Actualizada ás 21:58

Todos os grupos da oposición en Galicia valoraron a oferta de diálogo realizada este martes polo presidente catalán, Carles Puigdemont, ao Goberno español e a outras institucións europeas para resolver a crise aberta en Cataluña tras o referendo de independencia celebrado o pasado 1 de outubro. Un diálogo sobre o que, polo momento, o PPdeG evita pronunciarse á espera de saber en que consiste a proposta do presidente catalán.

“O que pasou hoxe é unha oportunidade para o diálogo e non hai que desaproveitala”, destacou o líder de En Marea, Luís Villares, en declaracións a GC. Así, lembrou que esta postura de dialogar para solventar a crise institucional, política e social que vive Cataluña “é a que leva defendendo en Marea desde hai tempo”. “E iso non quita que apoiemos, como tamén o facemos para Galicia, o dereito a decidir”, indicou.

"Queremos un referendo con todas as garantías, para que todo o mundo se poida sentir cómodo e para ter unha foto nítida da vontade popular", dixo apelando ao acordo para a celebración dunha nova consulta con garantías.

Por iso, Villares advertiu ao Goberno español a que non se enroque nunha postura de non falar e “non tender a man” á Generalitat. “Houbo un movemento moi interasante que é a posiblidade dunha saída dialogada. Agora o Estado ten que saír do seu inmobilismo e non é o momento de medidas coharcitivas. Puigdemont e o pobo catalán fixeron unha oferta clara de diálogo e hai que escoitalos”, sinalou.

O "máis sensato"

Tamén o voceiro parlamentario do PSdeG, Xaquín Fernández Leiceaga dixo que a apelación ao diálogo do presidente Puigdemont foi o “máis sensato” que puido facer. Non obstante, tamén recoñeceou o “confuso” das súas declaracións. “Supoño que afectaron na súa decisión os acontecementos das últimas horas, coa manifestación do domingo e a fuga de empresas”, indicou en declaracións a GC.

En todo caso, recoñeceu que a súa apelación ao diálogo “non é nada clara”, porque “non hai prazos, nin vías concretas, nin interlocutores, nin nada”. “Se quere dialogar pode utilizar o Parlament. Se quere reformar o Estatut pode facer unha proposta desde o Parlament e mandala ao Congreso. Esa é a mellor vía”, indicou ao suliñar que a legalidade da proposta do president é “moi, moi discutible”.

“Agora o que haberá que facer é intentar esgotar as vías de diálogo e tomar o ofrecemento que fixo e tentarlo atraer a un espazo da legalidade, pero senón é así pois o goberno ten a defender a legalidade”, engadiu.

Pola súa banda, o BNG reaccionou á comparecencia de Carles Puigdemont mostrando o seu recoñecemento á "lexitimidade democrática das decisións e acordos do Parlamento" de Cataluña e instou ao Goberno central a iniciar un "diálogo político".

BNG e Anova

Nun comunicado emitido tras a intervención de Puigdemont, o Bloque recoñeceu "a lexitimidade democrática das decisións e acordos do Parlamento catalán, espazo da representación política soberana do pobo de Cataluña". O BNG chamou a "sumar voces e opinións" desde a sociedade galega "en favor do diálogo e dunha resolución pacífica e democrática do conflito político aberto". "Sempre desde o recoñecemento pleno do dereito a decidir e da plena capacidade para exercer na práctica ese dereito", subliñou.

"Consecuentemente", reclama que acepte "o dereito das nacións" que hoxe forman "parte del a decidir e a exercer, no seu caso", a "plena autodeterminación". "De non facelo, o problema político de fondo, lonxe de resolverse, agravarase", avisa.

Pola súa banda, Anova lembrou que o 1-O demostrou a "baixa calidade democrática do Réxime do 78”. Por iso, reprobou a actitude "irresponsábel e ultra de Feijoó que saltándose o seu papel institucional se adicou a crispar en vez de adoptar un rol pacifista". Desde Anova denunciaron que se aproveitou o procés para atacar dereitos e liberdades e recortar os dereitos civís de toda a cidadanía no estado.

“Unha vez escoitada a iniciativa de diálogo proposta hoxe, cremos que non ten ningunha razón de ser a posíbel tentación do estado de camiñar cara cara un estado de excepción, aplicar o 155 ou insistir na criminalización da decisión do pobo de Catalunya. A vía autoritaria é tan só a expresión do fracaso do Goberno de Rajoy para enfrontar a crise política do Réxime do 78", suliñou nun comunicado.

PPdeG

Os populares galegos evitaron, polo momento, pronunciarse sobre as palabras de Puigdemont. “Primeiro temos que coñecer cal é a oferta de diálogo e, sobre todo, o que queren firmar e quen o firma”, indicaron fontes oficias deste partido a GC sobre a suposta declaración de independencia de Cataluña.

Durante a mañá deste martes, o voceiro parlamentario do PPdeG, Pedro Puy, admitía que a "esperanza" de que se poidera normalizar a situación era "máis feble cada hora que pasa", xa que "parece" que as decisións encamiñadas a "forzar ao máximo a alteración da orde constitucional" xa estaban "adoptadas".

Temas: CATALUñA REFERENDUM EN MAREA PSDEG PPDEG BNG

10 Filomeno

Que porcallada de nacionalismo. Falo do españolismo, do imperialismo dos colonialistas. E, tamén, de certo chauvinismo catalán que sempre ollou o propio embigo. Outra cousa son os soberanistas, desde ERC á CUP e boa parte de Podemos, neles hai esperanza. Estou a varios miles de quilómetros do estado fascista español, hoxe mesmo escoitei o hino nacional do país de residencia, en pé por respeito aos de arredor, que a min as marchas patrióticas non me emocionan, na realidade danme arcadas (como cando engoles comida ofrecida, para non desprezar a quen convida, non pola apetencia), mentres cavilei na estupidez humana dos que precisan fronteiras para sentirse seguros, e o pior, das bestas que pretenden impoñer cercas e sentimentos a quen non desexa compartilos. O dito, saúde e abaixo as patrias impostas!!!

1 nostrus

Los que no conoceis frontera sois gente peligrosa porque fácilmente no sabeis donde terminan vuestras propiedades y vuestros derechos y empiezan los de los demas. El ser humano es un animal social y por eso los que no os acomodais a vivir en sociedad no teneis amigos y os pareceis mas a las culebras y a los gatos que a las hormigas, las abejas o las personas. La gente como tu sois los mejores aliados del independentismo insolidario que es capaz de hacerse daño a si mismo para perjudicar al semejante. Solo falta que encima os creais los puros y escogidos

2 Filomeno

Nostrus, cando queiras falamos de socioloxía desde o ámbito académico. O da taberna, onde ti estás titulado, non ofrece nivel. Aclalar dúas notas, non todos acreditamos nas propiedades e somos estes os que mellor respeito temos polos dereitos dos demáis. As maiores estupideces humanas cometéronos seres fanatizados coma ti, as formigas e as abellas (se cadra, no teu caso, avespas). Que ti precises cortello para sentirte seguro non debería implicar que obrigues a pechar aos demais segundo o teu simple esquema mental. O teu nacionalismo fascista cúrase entendendo a humanidade ou viaxando. Sae do cortello!

9 nostrus

El dialogo es util con gente que razona, pero con gente que no razona es igual que predicar en un desierto. Es absurdo esforzarse en tratar de integrar a los que no se quieren integrar y si tratamos de modificar algo solo estaran de acuerdo si se salen con la suya, porque son extremadamente egoistas y solo piensan en estar ellos a gusto. Son una minoria y solo estarian contentos si estuvieramos descontentos la inmensa mayoria. Puede que estemos condenados a su crispacion, a sus quejidos y lamentos y su victimismo, pero no hay forma de razonar con ellos.

1 Finezza

Vou copiar o comentario para lembrarcho cando ataques a normalizacion da miña lingua.

2 nostrus

Eu non ataco a tua lingua nin a tua relixion (pode que sexan o mesmo), estou a favor da liberdade lingüistica na sua maxima exponencia posible, pero estou en contra de evanxelizar relixiosamente ou linguisticamente.

8 Independencia e Socialismo

O pobo catalán non pode confiar na burguesía catalá, nin nos partidos burgueses, que deron as costas a clase obreira do cinto vermello, onde mais se votou a prol da independencia.. Outra xeira mais, se amosa que o patriotismo burgués, só son os intereses da burguesía co no novo estado independente, ou co estado colonial, e que o Proces foi unha farsa. É o pobo catalán, xunto con partidos non burgueses coma a CUP, que ten que coller o facho da Revolución, contra o corrupto réxime neo franquista e Bubónico do 76 en descomposición, , para acadar a independencia polo socialismo.

7 arturo

Xa que logo, o referéndum do 1/10 non foi nin libre, nen democrático nen con garantías.

1 Failde

Certo, os nacionalistas españois impedistes pola forza que tivese garantías democráticas.

2 vryheid

Non é a nosa responsabilidade que o governo espanhol tenha boicotado ele.

6 pichon

Pero se do único que nos temos que preocupar e se Madrid pide a independencia, porque Galicia queda co cú o aire. Somos tan dependentes que a lei de dependencia non evitaría perder tódolos fondos xa que a industria, o control dos medios e a fiscalidade e o asesoramento político xa está en Madrid. E mentras cataluña reíndose.....