Feijóo di que os funcionarios da Xustiza enmendaron aos sindicatos e aprobaron a proposta da Xunta

“O 70% dos traballadores da Xustiza está de acordo coa proposta da Xunta”. O presidente da Xunta, Alberto Núñez Feijóo, amosouse exhultante este xoves, na rolda de prensa posterior ao Consello da Xunta, logo de coñecer que nas consultas organizadas polos sindicatos, a maior parte do funcionariado amosouse a favor de rebaixar os 190 euros que se tiñan marcado como tope  nas negociacións co Goberno galego.

O presidente da Xunta, Alberto Núñez Feijóo

De feito, Feijóo considerou que esta votación demostra que os traballadores da Xustiza sempre estiveron de acordo coas propostas da Xunta e que enmendaron de planta aos seus sindicatos. “Agardemos que agora os sindicatos entendan a mensaxe dos seus traballadores que queren un acordo e non un conflito”, dixo.

“Agardo que agora sexan responsables”, engadiu sobre a posibilidade de que acepten a última proposta do Goberno galego que apostou por un aumento líneal en base aos postos que ocupan os funcionarios e non unha suba uniforme. Deste xeito, propuxo unha suba de 135 euros máis ao mes para os forenses, 133 para os xestores, 108 para os tramitadores e 105 para os corpos de auxilio. Os sindicatos criticaran esta prposta ao enteder que, relamente, a suba dos xestores e dos corpos de auxilio era mínima porque, os primeiros terían só unha suba real de tres euros e os segundo, de cero euros.    

Con todo, o presidente galego volveu defender a posición da Xunta, aínda que apostou por unha “nova aproximaciń” para solucionar o conflito. Así, lembrou que o segu goberno fixo xa 8 propostas cunha claúsula de gtarantías e que isto suporá un incremento de entre 3.000 e 4.000 euros ao ano, “entre un 13 e un 14%”, puntualizou.

Tamén os sindicatos de xustiza anunciaron que proporán á Xunta volver reunirse o vindeiro luns, día 26 de marzo, para retomar as negociacións que permitan pór fin á folga indefinida que dura xa case 50 días.